Ergoienak, hasiera batean, onartu egin du Arbizun kanpina egiteko plan berezia
 Sakanako zenbait eragilek Arbizun kanping bat egiteko egitasmoa jarri dute martxan, Beriain Azpia, S.L. enpresa, hain zuzen ere. Kanping hori Arbizuko dermioan egonen
den arren, Ergoienako lurrekin (Unanukoekin) muga egiten duenez, haraneko udalaren, Ergoienaren, baimena behar du aurrera ateratzeko.Martxoaren 27an Ergoienako Udalak egindako batzarrean onartu egin zuen plana hasiera batean. Beraz, tramitearen hasierako baimena lortu dute arbizuarrek.
Nafarroako Aldizkari Ofizialean argitaratu eta gero, espedientea jendaurrean egonen da maiatzaren 9 arte, interesdunak aztertu eta egokiak iruditzen zaizkien alegazioak
egin ditzaten. Ergoienako bizilagunek alegazioak aurkezten badituzte, horiei erantzun ondoren berriz onartuko du Udalak behin behinean; izan ere, Nafarroako Gobernuak dauka behin betiko onarpena emateko eskumena.
|
